"అది వార్తలు కూడా సెన్సార్ అవుతన్న రోజులు, చాలా ఉక్క పోతగా ఉండేది...", కంగారు పడకండి కాపి కొట్టిన డైలాగే కాని సిచువేషన్ కి సింక్ అవుద్దని వాడాను. అలాంటి ఛాయ్ తప్ప బిస్కెట్ దొరకని రోజుల్లో, చదువు కేవలం గొప్ప వాళ్ళకే సంభందించిన వస్తువు గా పరిగనించబడే కాలంలో తెలుగు, ఉర్దూ, కన్నడ, మరాఠీ భాషల్లో ఉద్డండుడి గా ఉంటూ తెలుగు వచన కవిత్వం లో కొత్త మార్గం సృష్టించిన "ప్రజా కవి" మన కాళోజి నారాయణ రావు గారు.
సినిమాటిక్ గా చెప్పాలంటే... ఏ మహా కవి పేరు చెపితే ఎక్కువ మంది గుర్తుపట్టరో... ఎవ్వరి కాలాతీత రచనలు ఎక్కువ మందికి తెలియవో... ఎవడు నైజాం నవాబు కారు మీద బాంబు వేసాడో... అతనే మన "రఘువీర్ నారాయణ్ లక్ష్మీకాంత్ శ్రీనివాస రామరాజ్ కాళోజి", క్లుప్తంగా 'కాళోజి నారాయణ రావు' అలియాస్ 'కాళన్న'.
ఆయన రచనలు పరిచయం చేయాలని రాస్తున్నాము కాబట్టి, ఆయన వ్యక్తిగత జీవితం గురించిన విషయాలు చెప్పటం లేదు. మీకు ఆసక్తి ఉంటే గూగుల్ తల్లిని ప్రార్దించగలరని మనవి.
రచయిత, కవి, కధకుడు... పేరేదైనా పని ఒక్కటే. తమ మస్తిష్కం లో ఉన్న మాటలను నోటితో కాకుండా కలంతో ప్రజల మనస్సులో నిలిచిపోయేలా చేయటం. కాని ఎంతమంది రచనలు.. పొలం లో పైరు నాటే వాడికి, ఎండలో రాళ్ళు కొట్టే వాడికి, నీళ్ళలో చేపలు పట్టే వాడికి, అడవుల్లో కట్టెలు కొట్టే వాడికి అర్ధం అవుతాయ్!? వీళ్ళకు సైతం సులభంగా అర్ధమయ్యేలా ఉంటాయి కాళోజి రచనలు.
పండితులకు మాత్రమే అర్ధం అయ్యేలా రచనలు చేసిన వాళ్ళు గొప్ప వాళ్ళుగా ప్రశస్తి పొందారు, కాళోజి అలా చేయలేదు కనుకే ఇప్పటికీ పరిచయం చేయాల్సి వస్తుంది. ఆయన రచనల్లో ఛందస్సు, ఉపమానాలు, ఉపమేయాలు వంటివి ఏమి ఉండవు. ఆయనకు రాకా అంటే... "నాకు తెలీక కాదు, అందరికి తెలీదు కనుక" అనే వారట ఆయన.
ఆయన "మాట శూలం, ఎంతో సూటిగా ఉండేది. మనసు వెన్నె కన్నీరు పెట్టిన సందర్బాలు బోలెడు. రచన వచన సాహిత్యానికే వన్నె". ఆయన రచనలు చదివితే ఆయన అంతరంగం ఏమిటో ఇట్టే అర్ధం అవుతుంది. దాదాపుగా ప్రజల సమస్యలు అన్నిటిపైన ఆయన రచన చేసారు. ఎప్పుడు ప్రజల గురించే ఆలోచించే వారు, రచనలు చేసే వారు కనుక ఆయనకు "ప్రజా కవి" అనే పేరు వచ్చింది.
తెలుగు భాషంటే ఎనలేని అభిమానం, తెలంగాణా యాసంటే ప్రాణం.
అప్పట్లో తెలుగు వాళ్ళు ఆంగ్ల బాషాపై మక్కువ మిక్కిలి ఎక్కువగా చూపిస్తుంటే, కోపం తో...
స్వతంత్ర భారతం లో ప్రజాస్వామ్యాన్ని రాజకీయ నాయకులు నవ్వులపాలు చేస్తుంటే...
ఆనాటి సమాజం లోని అసమానతల పై
మనుషుల లోని అంతరంగిక విషయాలపై
లోక్ నాయక్ జయ ప్రకాష్ నారాయణ మరణించిన వేళ!
వివిధ మతాలూ వాటి ఆచరణల పై
ఆనాటి సమాజం లోని బిన్న ధోరణులపై
ప్రజల బాధలకు తానేమి చేయలేక నిస్పృహ తో
ఆయన రచనల్లో గొప్పది గా చెప్పబడే .. నా గొడవ లో
నైజాం నుండి తెలంగాణా వేరు కావాలని కోరుతూ..
ఆయన స్వగతం లో
ఆనాడు అవినీతి చేస్తున్న రాజకీయ నాయకుల పై వ్యంగ్యం గా
మానవ స్వభావం పై
ఆయన తన సహచరులతో ఎప్పుడూ "మనిషిని మనిషి మాదిరిగా మన్నించలేనంత మలినమైనదీ జగతి మలినమైనది" అంటూ ఆవేదన వ్యక్తపరిచే వారట.
ఆయన గురించి ఒక్క మాట లో "ఆయన ఎప్పుడూ ఎవ్వరిని అనుకరించలేదు, ఆయన్ని ఎప్పటికి ఎవ్వరు అనుకరించలేరు".
